သစ္စာတရားအတွက်မီးအိမ်တစ်လုံးနှင့်ခရီးထွက်ခြင်း

သစ္စာတရားအတွက်မီးအိမ်တစ်လုံးနှင့်ခရီးထွက်ခြင်း

၁)
အရှင်…
သင်၏ ခေါ်ရာ
ထပ်ချပ်.. ငါ.. လိုက်ပါမည် ။
ကြယ်တစ်ပွင့်ကို ဆွဲယူ
ငါ့ကို… ထူပါ ။


ဟိုးမှာ…
သေအံ့မူးမူးလူက
မြေပြင်ပေါ်က သူ့အရိပ်ကို
ကပျာကယာ အိတ်ထဲယူကောက်
လက်သည်းတွေတောင် ခွေခေါက်နေပြီ ။

ဒီမှာ…
ဦးခေါင်းခွံထက်
ဆံဖြူတွေဝပ်တွားတက်နေတဲ့ အဖိုးအို
တောင်ဝှေးကျိုးကို ရီဝေကြည့်ငေး
သူ… ဘာတွေ တွေးပြီနည်း ။

စမ်းရေကို ငုံ့သောက်မှ
ကိုယ့်မျက်နှာကိုယ် ပြန်မြင်ရသောလူများ
အခြားဘာကို တွေ့စွမ်းမလဲကွယ် ။

အတ္တဆိုင်းဘုတ်ကို
လည်မျိုမှာ သံငုတ်နဲ့ရိုက်
လမ်းမှာလိုက်သော ခရီးသည်များ
သံသရာရထားကို စောင့်နေသည် ။

ဝါးတစ်ပင်ရိပ်မှာ
ခြင်္သေ့တို့ပင် အိပ်ဝံ့ပါသလား ။
ဝါးတစ်ပင်ရိပ်၌
သူတော်စင်တို့ ပျော်ပိုက်ခဲ့ကြပြီ ။

အမှောင်က နက်၏
ကြယ်က လက်မည်
ဤခရီး ဝေးသလား
ငါ… ရောက်အောင်သွားပါမည်လေ…။

၂)
နွေ..နွေ  မိုး..မိုး
တွင်းထဲမှာ နှင်းခဲတွေပုပ်သိုးနေရော့သလား ။

ဆောင်းကိုပန်ပြီး
မြောက်ပြန်လေ ရောက်လာမှ
ပြာဝေမှိုင်းအုပ်
ဟော… နှင်းတွေ တစ်ဆုပ်ပြီးတစ်ဆုပ် ။

သဲကန္တာရက
သဲတွေနဲ့ ဖွဲ့စည်းပြသလို
မာယာလောက
မာယာတွေနဲ့ မှုံရီအုံချနေတယ် ။

ကျောက်ဆစ်ရုပ်က
ခေါင်းညိတ်ပြရုံမဟုတ်
လက်ခုပ်တီးပြီး လက်အုပ်ချီပြတာ
ငါ တွေ့ခဲ့ဖူးပြီ ။

သွေးစက်တွေနောက်မှာ
လက်သည်းနီစက် ရဲရဲတောက်ပြတာ
ငါ တွေ့ဖူးပြီ ။

ကျွဲချိုမှုတ်ပြီး
ကျွဲအုပ်ကို ဖျော်ဖြေတာ
ပျော်စရာမှ မဟုတ်ပဲကွယ် ။

၁၂ ကြိုးကသော
လောက၏ ကဝေလက်ချောင်းများ
ငါ့အား… ဆွဲခေါ်
ငါ… မမွေ့ပျော်တော့ပါပြီ အရှင်..။

၃)
ငါသည်… တစ်ခါက ဖယောင်းတိုင်ကဲ့သို့ဖြစ်၏
ထို့ကြောင့်
မီးတောက်ကို ချစ်လေသည် ။

မိုး၏အမြင့်ကိုမသိ… ဟု
ကိုယ့်ကိုယ်ကို အထင်ရှိ၏
အမှန်ကား…
မြေ၏အနက်မှာပင်ေ၀၀ါးဆဲ ။

စီးမျောရာတွင်
ဗေဒါကို ကုပ်ဖက်
အနက်ရောင် လှိုင်းခေါင်းများကြားမှာ
ဒေါသအမျက် ချောင်းချောင်းပွားလျက် ။

ထိုသော… မနေ့က ငါသည်
ဝါကျင်ဟောင်းနွမ်း နေလုံးကိုထမ်း၍
တောင်စွယ်တန်းမှာ ၀င်ရောက်ပျောက်ကွယ်ခဲ့ပြီ ။

ဤယနေ့… ငါ… သည်
မီးခိုးကဲ့သို့ မိုးပေါ်ထိုးတက်
နှုတ်ဆက်ထွက်ခွာ
အားလုံးကို လွှတ်ချခဲ့ချင်ပါပြီ ။

ငါသည် ငါ၏ဘုရင်ဖြစ်၍
ငါသည် ငါ၏ပြည်သူဖြစ်၏
ငါ့ကို ငါကအုပ်ချုပ်၍
ငါ့အလုပ်ကို ငါလုပ်ရပေတော့မည် ။
မှတ်ချက် ။               ။
စာရေးဆရာ  (တာရာမင်းဝေ) ကို အောက်မေ့ တမ်းတသော အားဖြင့် သူဧ။်ကဗျာကို မျှဝေတင်ပြရခြင်းဖြစ်ပါသည်။ အမှားပါလျှင် ခွင့်လွတ်ပေးကြပါရန်။

                                                                              ကိုယ်စိတ်နှလုံးအေးချမ်းကြပါစေ..

                                                                                     မေဟန်နီ