♥♥♥ သူ့ မျက်ဝန်း၌ ငြိတွယ်ခြင်း ♥♥♥
နယ်မြေမကျူးကျော်ရ
အဲဒီ ဆိုင်းဘုတ်ပေ့ါ
နားစည်ဝကို ကန့် လန့် တိုက်
နှလုံးသားထိ ယိုစီးကျရတယ်။
အကျွမ်းတ၀င် မရှိလှတဲ့ ဒီနယ်မြေမှာ
အပြောလေးတွေ ချွေးသိပ်
မျက်လုံးအိမ်တွေ မှေးစက်ခဲ့ရတယ်
တစ်ရှိုက်မက်မက် တွယ်ငြိဖူးတဲ့
သံယောဇဉ်ကြိုး
နင့်ပြောနေကြ ကားမှတ်တိုင်မှာ
ဖြတ်တောက်ခံခဲ့ရတယ်
နှင်းဖွေးဖွေးကျလို့ 
စပယ်တွေ ဖွေးဖွေးလှုပ်ခဲ့ရတာမှမဟုတ်ပဲ
လူမသိ သူမသိ အုံ့ ပုန်းအချစ်တွေ
မွေးဖွားခဲ့ရတာ..
အမှန်တရားဆိုတာ နားခါးတတ်တယ်
တစ်ချက်အကြည့်ကြောင့်
ဘ၀တစ်ခုလုံး မုန်တိုင်းထန်
နင့် အပါးက ငြိတွယ်မူ
အဲလောက်ထိကို အရေးပါခဲ့တာ
ဘာ..ပြဒါးမဲ့မှန်တစ်ချက်ကြောင့်
ငါ့နှလုံး ရင်ကွဲနာကျရမယ်..
အစကတည်းက မစီးခဲ့တဲ့မြစ်
ရေလာဖို့ မြောင်းပေးစရာမလိုတော့တဲ့ နောက်..
ခဏတာ ဖြစ်တည်မူမှာ
တစ်ဘ၀စာအတွက် တွယ်ငြိ
ခုထိ နင့်မျက်ဝန်းထဲ တွယ်ငြိနေဖို့ ကို
အိမ်မက်ထိ သယ်ဆောင်ချင်ခဲ့တယ်..။။
♥♥♥ ကဗျာရိပ် ♥♥♥
၂၇.၁.၂၀၁၄
0 ခုပြန်လည်ပြောဆိုထားသည်။:
Post a Comment